鉅亨網新聞中心
長實(00001-HK)拆售雍澄軒成為近日城中熱話。集團執董趙國雄今日同傳媒聚餐，坦言確有兩間旅行社有意洽購，但銷情火爆之下，二者最終都無緣購得。佢又話長實拆售酒店並非睇淡本港旅遊業前景，相反仲想幫助中小型旅行社，若它們自購酒店物業，就無需在旺季時被大型業者逼到無房可book喇！
經此一役，趙國雄「樓神」之位坐得更穩，不過佢跟住感嘆，話香港經濟離不開中小企業，話自己都中意舊式食肆、士多，當時伙計與客人仲會傾下計，幾有人情味，而宜家做乜都是「嘟卡」，講話都鮮有幾句，感嘆既佢甚至忍唔住話去旗下超市買野都「冇乜feel」！不過，佢強調集團還是有要求員工主動同客人打招呼o既。
樓神又話自己鍾意系集團樓下間快餐連鎖店食午飯，搞到班小記大為驚訝，他仲要話唔系買外賣返公司食喔，還反問一班小記，獨坐自己間房度食飯，「不覺得好淒涼咩？」
其實樓神咁講人情味，可能都同佢成長經歷有關，話說今日《主場新聞》引述舊資料，提到原來佢在學生時代都曾經熱血，同「珠海事件」揚名的余理謙神父一齊積極參與保釣的示威，舊《東周刊》訪問時余神父話：「趙國雄是貧窮家庭出身，為人聰明，當時是天主教大專聯會刊物《曙暉》的編輯，積極搞示威，他都會問我意見，現在亦不時來探我，雖然他現在當高職位了，但仍願意幫助窮苦學生。」證明樓神懷念舊事物，都唔似忘本之人o既。(I/H)
更多精彩內容,請登陸財華智庫網 (http://www.finet.com.cn) 或財華香港網 (http://www.finet.hk)
FINT[PFSTBMX,MRKT,MRKT,HOTS,PROP]
X
上一篇
下一篇
