【財華花絮】鈞濠(00115-HK)圍城戰公關防衛術——白紙膠袋封玻璃

鈞濠等左四年仲未有復牌既曙光，今日既股東大會一年一度，當然睇下管理層點睇公司復牌既進度啦！由於大股東朱景輝一早叫公關發邀請通知，股東會今早會場門外場面迫滿多位傳媒，圍住辦公室似圍城大戰，見前面有塊玻璃，攝記都拿起閃光炮對住「盛」況，閃光彈狂發，鈞濠公關馬上組織防守，「拿拿淋」將白色影印紙貼住玻璃，頂住閃光彈攻擊。

圍城戰落幕，鈞濠想退兵，著住黑色西裝既主席馬學綿同助手率先殺出想突圍，直入電梯，傳媒大軍即刻一擁而入，人數之多、突擊之重令電梯都亮紅燈而超載，攪到呢位主席學左呢排換特首講左好耐的計劃B(Plan B)，風頭火勢間即掉轉馬頭閃入附近既公關公司辦公室暫避。呢次又攝記即刻遠閃主席背影，擊唔中正面，公關公司負責人見異況，又學隔離圍城戰，但用更強力的黑色膠袋貼住門外玻璃，完全抵住閃光攻擊，仲在城內叫喊「我地唔識果位主席，唔好再影，我地公關公司同佢無關」，想傳媒大軍撤兵。

場內之後出現左一位公關，原來是大股東朱景輝代表，叫得援兵來，就緊係要簡介下成個攻城計啦，即刻派左一份「鈞濠集團股東質疑企業管治不力新聞稿」的戰略報告，詳細地陳述企係大股東朱景輝陣營既立場，又附件印埋曾氏既身份證明副本，同埋之前深圳土地權益官司案件資料，真係落晒力，佢仲話希望傳媒助一臂力彰顯下公義咁話，又簡單講佢地不滿董事會曾氏既權力過重，呢場大戰分朱曾兩大營，傳媒今次只係變左僱傭兵！

屬於曾營既董事會仲話曾煒麟夫婦係地產商既人才，而家兩個人坐緊監，點睇得出係人才呀？當場股東開完會後，有股東感慨股票就黎變成廢紙，同記者呷：「呢間公司真係唔夠專業，如專業既上市公司都會以股民利益為重。」講得好，但用得白紙膠袋封城，似乎話俾你知透明度有多少啦，小股東唔好胡亂參戰啦！(Q)

更多精彩內容,請登陸財華智庫網 (http://www.finet.com.cn) 或財華香港網 (http://www.finet.hk)

FINT[PFSTBMX,MRKT]

X