《小傳日記》你好瘋!蔚來踩過界炮製NIO　Phone!

　　《小傳日記》蔚來(09866)呢幾日動作多多,用一啖砂糖一啖屎來形容就最適合。早兩日忽然間公布要出可轉債,嚇到美國嗰邊擔心佢會好似啲內房咁資不抵債,結果ADS要大冧一成七。點知今日又再有猛料,就係正式公布旗下第一款手機。

,期間就正式發布旗艦智慧型手機NIO　Phone。而李斌亦都鬼拍後尾枕,解釋造電話「肯定不是因為手機公司都在造車,也不是因為蔚來現在汽車不賺錢,要去靠手機盈利」。而家個世代都好有趣,小米(01810)同舜宇(02382)爭住入車市,蔚來就想出電話,不過就都唔肯認係因為本業唔夠賺。

　　李斌就話,造電話係因為想有一部電話係可以同蔚來旗下嘅車無縫連接,想做一部手機係可以令啲車更加好用。即係係為咗車先手造機,不過又會喺正下半年呢個新機高峰期來發布,真係無心想爭一日長短?之前就傳緊小米14將會用到Snapdragon　8　Gen　3。容量方面以12GB+512GB為基礎,會係「性能版」,另外仲有「旗艦版」同「EPedition」,最大容量可以去到16GB+1TB。屏幕係2K解析度的6.81吋曲面屏,主鏡頭5000萬像素,電池5200mAh,配備66W有線及50W無線快叉。

NIO　Phone可以直接當車匙咁用,而且內置NIO　Link車控鍵,可一鍵直達30項互聯功能,包括快速查看車輛狀態、停泊位置,完成車輛解鎖落鎖,落窗升窗等等,就算喺無網狀態之下,都可以做到解鎖、閃光燈鳴笛等等功能。至於喺車入面,都可以透過車裏面嘅螢幕連接到NIO　Phone,李斌話:「視窗不是簡單的投屏,這兩個螢幕可以平行運行不同的程序,這是很不一樣的」。

　　雖然蔚來實牙實齒話只係想造一部令架車更好用嘅電話,不過整得出嚟又「豈止如此」?可能今次都只係試水溫,蔚來嘅未來仲喺後面,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。