《小傳日記》心動升到令人心動!都係多得隻新game爆紅!

　　《小傳日記》噚日恒指升過500點就調頭,仲驚住會唔夠力水,不過今日下晝終於輪到中特估升,總算係撐得住,中特估升通常都唔會係細錢,今次真係有啲指望喎!而今日啲科技股就跑輸少少,不過隻遊戲股心動(02400-HK)就特別標青,最多曾升過成一成七!原來係因為旗下隻新game《出發吧!麥芬》hit起咗。

線,去到2月1號,《麥芬》已經成為區內iOS全品類暢銷榜第二名,僅次於米哈遊旗下《原神》,1月28至1月30期間,仲試過創造連續三日成為港澳台地區iOS暢銷榜No.1!

　　普遍新聞都會介紹《麥芬》係放置類型嘅RPG遊戲,所以同平時RPG有啲唔同,玩起上嚟會感覺比較休閑啲,無《原神》之類嗰啲咁緊張刺激。平時玩開RPG都知,故事性對隻

game都好重要,可以加強玩家追玩遊戲嘅能力。不過如果係放置類型,雖然有故事性,但就無咁急於開主線故事,主要其實係感受遊戲入面嘅世界為主。所以呢,《麥芬》其實係主打一個治癒感覺,畫風偏向可愛,挑戰性無其他RPG咁高,反正就係要玩得輕鬆為主。

　　就咁睇簡介,《麥芬》嘅內容主要都係輕鬆日常為主,可以養吓寵物、開吓圖鑑又得,想多啲參與度可以打吓boss,兩種玩法都可以玩到。

　　而放置類遊戲本身有個點,就係好依賴每日登入來換獎勵,就算養寵物都要每日最少餵一次,如果真係好似之前網遊新規咁講,真係唔畀提供每日登入獎勵,好多放置式遊戲真係可以收檔,如今《麥芬》hit得起,都好在新規未必會完整落實,相對上係比較鼓勵唔同類型遊戲嘅發展嘅,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。