《小傳日記》DJT收購Bakkt雙雙飆,侵侵再戰江湖點石成金

Technology　Group,DJT)傳出要收購加密貨幣公司Bakkt。消息一出,兩間公司嘅股價頓時如火箭般飆升,Bakkt美股盤中多次臨停,收市大升163.04%至29.71美元,並觸發熔斷,盤後繼續漲超14%;而DJT都唔示弱,收市升16.65%至32.78美元。

料,Bakkt成立於2018年,由紐約證券交易所擁有者洲際交易所創建,乍一聽好似大有來頭,可實際嘅業績就有啲拿不出手囉。

　　Bakkt長期以嚟都喺虧損嘅泥沼度掙扎。今年3月,Bakkt就已經俾紐約證券交易所警告過,話佢哋公司已經連續至少30個交易日嘅平均交易價格低過每股1美元嘅最低價格,面臨被摘牌嘅風險,Bakkt隨即「1合25」,暫時鬆一口氣。Bakkt喺最新嘅財季報告度提到,集團總收入雖然有3.284億美元,但係營業虧損都去到2740萬美元,不過相對上年嚟講,虧損已經收窄咗接近一半嘞。

　　正面啲睇啦,DJT收購Bakkt其實都有唔少著數嘅。首先,宜家加密貨幣市場俾特朗普搞到好熱鬧,自特朗普勝選後,加幣貨幣一路炒高,甚至炒到9萬美元嘅天價,市場仲預期,特朗普會出台利好加幣貨幣的政策,好多公司都想入場分一杯羹。並且,DJT本身主要搞社交媒體平台Truth　Social,業務始終比較單一,抗風險能力唔夠強。如果成功收購Bakkt,唔單止可以食住特朗普自己吹起身嘅東風,同時多元化嘅業務布局可以令公司嘅未來發展多幾條後路,唔使擔心一條路走到黑喇。

　　但問題係世上虛幣公司千奇百怪應有盡有,點解DJT偏偏選中Bakkt?呢個時候,背後嘅人際關係就不得不拎出嚟講講。原來Bakkt嘅前首席執行官Kelly　Loeffler同特朗普嘅交情相當深,以前甚至做過特朗普就職委員會嘅聯合主席。

　　商業社會靠人情靠人脈係正常不過嘅事,不過特朗普即將再次成為地球上最大權力嘅人(之一),猶如神話故事入面可以點石成金嘅邁達斯,難免予人瓜田李下嘅感覺,不過特朗普「侵粉」夠晒忠心,斷估唔會影響到佢喺好多美國人心目中嘅「MAGA」英雄形象。至於我哋呢啲投資者係咪應該跟風呢,睇番事件本身,DJT季度收入只得100萬美金,實際業務存疑,而家就話去收購一家尚未賺錢嘅虛幣交易平台,嗯……呢啲賺錢機會筆者就真係敬謝不敏喇,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。