《小傳日記》兒童相見不相識,笑問檸茶何處來?

　　《小傳日記》近幾年「飲奶茶」喺神州成為悠閑嘅代名詞,不過都係上一代用來詬病新一代唔襟捱嘅關鍵詞。但係手搖奶茶還手搖奶茶,港式奶茶嘅味道同顏色始終別樹一格。講起奶茶最著名都係蘭芳園,畢竟都係絲襪奶茶嘅始祖,但係近期見得最多嘅都係蘭芳園賣嘅「凍檸茶」。

　　除咗中環老店之外,蘭芳園仲喺重慶大廈地庫有分店,而嗰間多數都係同胞必到嘅景點之一,因為來得香港就點都好想體會下呢種「港味」。而呢份「港味」唔單止得奶茶,原來檸茶都包括在內。呢排碌開IG　Reels,周不時都會見到「蘭芳園」牌頭嘅樽裝凍檸茶,用來整咗唔同meme短片,結果就老是常出現。

　　凍檸茶個樽上面嘅「蘭芳園」logo連字體都同中環老店個招牌一樣,原來呢個蘭芳園凍檸茶,其實係神州公司香飄飄(滬:603711)嘅出品。回帶一睇,原來2016年香飄飄就已經同蘭芳園嘅三位二代老闆簽咗合約,用6080萬港紙就買斷咗「蘭芳園」商標喺神州嘅永久使用權,之後先後推出咗杯裝零售嘅「絲襪奶茶」、「港式鴛鴦」等等,而「樽裝凍檸茶」就係上年推出嘅新產品之一,咁多個Reel都不停見得到,睇來香飄飄都落咗好重宣傳費。

胞幫手宣傳嘅樽裝港式凍檸茶,感覺都係有啲陌生。可能對於香港來講,真正有「港味」嘅可能係陽光、維他嗰支先係真正日日見到同飲到嘅味道。

　　咩係「港味」其實都係一個可圈可點嘅感覺,唔同人都有唔同嘅感覺,你覺得係就係。反正自從香飄飄用6000幾萬買斷,咩係港味就係香飄飄話事。不過如果「港味」咁值錢嘅,當初係咪唔應該6080萬就賣斷呢?起碼都值過億呀嘛?請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。