《小傳日記》AI機械人前景引罵戰,風投玩家點解唔夠Chill

　　《小傳日記》最近AI同人形機械人概念就係神州股市嘅「絕代雙嬌」,一個係識對話畫畫寫code嘅大腦,另一個就係可以處理精細動作嘅軀幹,如果兩個相加,就係幾十年前荷里活電影入面會叛變嘅機械人,不過今時今日我哋有一個更「安全」嘅稱呼--具身智能。

　　究竟幾時機械人先可以幫我哋洗碗拖地煮飯?可能仲需要多一段時間。神州金沙江創投基金董事總經理朱?虎喺最近嘅一個訪談中,直接對具身智能行業大潑冷水。佢話,「我哋天使基金 呢幾年都有投啲早期嘅具身智能項目,但最近幾個月都喺度退出,我問咗幾個CEO,你哋啲商業化客戶喺邊?講嚟講去都係佢哋自己幻想出嚟嘅客戶,你話邊個會花十幾萬買個機械人返去做嘢?」

　　喺朱?虎嘅眼中,人形機械人企業有兩大死穴:第一,技術成本高企,單台機械人賣幾十萬 ,但真正有需求嘅啲場景,根本冇乜人肯俾呢個價錢;第二,應用場景太模糊,初創企業聲稱嘅

市場需求,好多時都係憑空想像,根本冇哩啲實際需求。朱?虎認為,目前人形機械人嘅主要客 戶係高校、科研機構同央企,但呢啲靠補貼同科研經費支撐嘅市場,根本唔係一個可持續嘅商業模式。

　　所以佢直言,「睇唔到人形機械人嘅商業化路徑。當市場共識越嚟越清晰嘅時候,咁就係時候退場啦。」「趁宜家仲有得退,就趁早退啦。」

　　朱?虎呢番「撤退宣言」一出,即刻喺創投圈同人形機械人行業引起咗一場大地震。有人讚 佢清醒,但亦有人話佢「冇遠見」、「吃飯砸鍋」。睇返金沙江創投近幾年都有喺具身智能領域

布局,天眼查嘅資料顯示,佢哋曾經投過瑆爝機械人、松延動力、星海圖等初創企業。但佢哋短期內賺咗啲錢就閃人,仲順手話「呢個行業冇前途」!

　　例如,今年3月29日,星海圖公告,金沙江創投2023年11月參與咗佢哋天使輪融資,但到2024年5月就提出咗股權退出要求,最後喺2024年9月順利完成退出。同樣,金沙江創投旗下嘅杭州金沙江初向量創業基金今年1月都退出咗投資松延動力嘅股份。

　　朱?虎啲言論一出,經緯中國嘅創始管理合夥人張穎喺朋友圈直接發文回應,話「機械人領 域其實發展得好好,呢個大賽道百花齊放,過程中有啲泡沫都正常,點解要咁大驚小怪?拉長啲

睇,人形機械人一定會出大公司。但朱老闆你咁樣講,我真係好奇,未來啲優質公司仲會唔會同你傾?仲攞你錢?估計連電話都唔會接啦。」

　　眾擎機械人嘅CEO趙同陽亦正面反駁,「朱?虎就係啱投啲快餐式項目,今日投,明日見 效嗰啲。但AI同人形機械人邊有可能咁快俾你賺錢?問人形機械人而家有咩用,就好似問個

BB啱出世有咩用,呢啲短視嘅問題真係唔應該由佢呢個級數嘅人問出嚟。」趙同陽仲直斥:「聽講佢投過宇樹,我覺得佢根本唔配持有宇樹一毛錢股份,快啲退啦!呢啲資本,攞一毛錢都已經係玷污行業,道唔同,不相為謀!」

　　講到呢度筆者就覺得有啲奇怪,天使投資人十投九執笠真係正常不過,好多時都係買一個希望啫,人哋唔投咪你去投囉,大家都無必要大發雷霆,講到「玷污行業」就真係too　

much!做得風投玩家,就一定要夠chill,畢竟呢個世上無幾個行業係可以名正言順燒銀紙煲紅豆沙嘅,又要恐懼又要貪婪,就只會顯得你唔夠自信,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。