《小傳日記》譚仔第三季賺少咗,使大錢宣傳無幫助?

　　《小傳日記》今晚就要公布美國1月份通脹數據,所以魚缸今日全日變化都唔係好大,主要都係等埋CPI睇吓通脹成點先再睇,而家孖屐都預計可能又會再高過,所以可能聯儲局嘅加息路途仲有漫漫長路!

　　而魚缸呢期炒復常都炒完咁濟,如果今晚個CPI真係醜樣嘅話魚缸都好難唔受影響。復常概念之一嘅譚仔今日就「被公布」咗第三季成績表,因為日本大股東東利多(同時係丸龜製麵母

公司)就公布咗截至12月底第三季業績,於是譚仔都公布埋自己9個月收益按年升8.2巴仙至19.31億銀港紙,但係EBIT就按年要跌差唔多四成去到1.11億銀港紙。

　　另外東利多包括譚仔在內嘅海外分部業務溢利跌31.5巴仙至15.08億円,收益則升45.7巴仙至451.7億円,就咁拼落去譚仔仲要陀衰家拖累業績嘅業務。譚仔就解釋,主要都係疫情影響拖累,而本地以外地方包括神州都係疫情拖累,新加坡就面對人力短缺勞工市場競爭激烈,種種問題都拖累譚仔成績表。

多咗之後就會減少購買嘅產品,之前市差譚仔都無得益,按照經濟理論市道暢旺之後,譚仔咪仲會受壓?雖然而家食米線加多兩個餸,又或者加份土匪,都唔算得好平,不過如果賺多咗就未必會去譚仔,所以未來譚仔前景嚟講都唔算得好樂觀。

　　其實可以見到譚仔上市之後宣傳費大咗唔少,一來同不時都見到網上宣傳活動,有姐姐選美,又有姐姐女團,仲要譚仔同三哥各一團,雖然好玩,但睇出嚟變現能力唔算好好,睇怕都仲要喺經營上落啲硬招先得,請請!

*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議

及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。