50屋苑清明三天假期睇樓量回升2.8%

整體樓市氣氛趨好，在一手新盤推售的帶動之下，準買家積極出動睇樓，不過，由於近期交投增加，消化不少「筍盤」，平價盤源仍有待補充，而今個清明節長周末，雖然有部分市民前往掃墓祭祖，不過早前外遊的市民亦陸續返港、重投市場，二手屋苑睇樓量穩中向好。根據利嘉閣地產研究部數據估算，全港50個指標屋苑未來三天長假期每日平均錄745組客戶預約睇樓，按周回升2.8%，繼上周復活節長假回落後再度重拾升幅。

 按地區劃分，港島及新界兩區的指標屋苑假日睇樓量均有增加，九龍區則按周減少。其中港島區8個指標屋苑於三天假期日均錄得150組客戶預約睇樓，按周回升7.1%。利嘉閣地產杏花村助理分區經理黃銳平表示，最近大市氣氛回暖，加上早前趁長假外遊的市民陸續返港，有意入市的準買家積極投入睇樓，屋苑以兩房單位較受歡迎。不過，由於部分平價放盤已獲吸納，需待新一輪補充，故此預計本月二手交投將保持平穩。

新界區方面，21個指標屋苑日均暫錄320組客戶預約睇樓，按周上升4.9%。利嘉閣地產沙田第一城銀城分行(A組)市務經理胡漢業指出，屋苑於清明節長周末睇樓量穩定，亦有不少準買家趁假期於市場尋覓「筍盤」，不過，市場上月消耗不少平價盤源，而且部分業主見近日市況轉好，減價幅度較早前有所收窄，或對屋苑交投量的升幅造成局限。

 至於，九龍區21個指標屋苑日均暫錄275組客戶預約睇樓，按周下跌1.8%。利嘉閣地產都會豪庭分行A組助理分區經理鄧達榮表示，周末區內大型新盤首批開售，整體睇樓及入市氣氛不俗，縱然難免分散市場焦點及代理兵力，但估計未能揀選到心儀單位的向隅客，亦有機會回流二手，未來三天屋苑預約睇樓量回落幅度不大，現時新都城兩房入場費約450萬元，由於業主叫價較早前實在，故再提供的議幅普遍收窄至約5%。
 

更多精彩內容 請登陸財華智庫網 (http://www.finet.com.cn) 財華香港網 (http://www.finet.hk)或現代電視 (http://www.fintv.com)